متابعات : البلاد
أبدت الفنانة هدى عربي إستغرابها من الأحاديث والتي تقول بان لها يدف إستبعاد عدد من الفنانين من برنامج أغاني واغاني وكتبت حديثه موجه عبر صفحته بفيسبوك مدونة : “يا جماعة قصة الفنانين العندهم وهم وجن في رآسهم كل سنة زي الوقت دة يقولو كانو جايبننا في أغاني وأغاني هدى حفرت لينا
انا فاضية ليكم ولا اغاني واغاني برعايتي !؟؟
تحديداً آخر وحدة دي كمان بالغت والله سيرتك ما جات خالص ولو انا عندي يد بستبعد زولة تكون منافسة لي وفي حدود امكانياتي يعني انا برضو بفهم
البوست حين زحمة في الشارع
يعني ما تتوقعي تاني افرد ليك مساحة.
مما أثار حفيظة الفنانة أفراح عصام ، لترد عليها أيضاً من خلال منشور عبر صفحتها بالفيس بوك وكتبت أفراح تدوينة قالت فيها : ” الكبيرة المستجدة
ياخ ما تختبري صبري أكتر من كده وتخليني اتكلم واقول برنامج اغاني واغاني ما سبب عقدك معاي وسبب مشاكلك معاي عمرها ما كانت فنية.
كانت ( …..) وعموما انا ما عايزه خراب بيوت قبل رمضان ياخ ، المهم شكلك نسيتي ماضيك ونسيتي التهميش الكان ملازمك طول ما انا كنت معاك في طاولة وحدة ولا حقو نستعين ببرنامج زاااتو البتتكلمو عنو ده ٢٠١٥ و ٢٠١٧ و٢٠١٨
أوعه بس تكون السنة ولا سنتين الفاتو ديل نسوك ههه عموماً التاريخ قااااااااعد وناس عارفوه حاولي ارتاحي وبردي نفسك القايم السنه كلهااااا…
عقدك بقت ظاهره للناس إنك بتخلقي مشاكل مع شخصيات محدده كده
المهم قولو يا لطيف والجاي احلي”.
