الخرطوم : البلاد
شنت الإعلامية السودانية “الريان الظاهر” هجوم لاذع على الفنان السوري “ساموزين”، وأكدت أن زيارته للبلاد في الظروف الحالية ليست ذات قيمة، وقالت ياريت تدركوا قيمة الإنفتاح الثقافي والفني بين الشعوب.
وكتبت الريان عبر صفحتها بالفيسبوك: بالنسبة للناس اللي بتقول في زلزال في سوريا مفروض سامو زين يعتذر….
وتابعت :”طيب انت عارف الاتفاق بينه وبين الجهة المنظمة للحفل على اليوم المحدد بكون تم قبل كم شهر يعني الزمن داك مافي زول عارف ذاتو انو حيكون في زلزال”.
لتضيف : “طيب عشان يلغي الحفل ده بكل بساطة مقترحكم الجميل عارف الخسائر المترتبة. …من تذاكر طيران وحجز فندقي و مقدم اخده من شهور اكيد ضخم….ده بالنسبة للفنان…بالنسبة للجهة المنظمة شركات راعية دفعت للحفل ده وكل المذكور أعلاه اتدفع للفنان. ..زائد الناس اللي قطعت تذاكر لازم كل زول ترجع ليهو تذكرته مع الاعتذار….واكتر من كدة بكتير”.
وأشارت : “فلما تقدموا مقترح ياريت تنظروا للجوانب دي كلها….حيجيك زول يقول ليك في فنانين لغوا حفلاتهم….ح اقول ليك في فنانين سوريين شغالين حفلات وبتبرعوا بقروشهم لصالح المتضررين…هل في زول سألوا اذا كان حيتبرع ولا لا”
وزادت : “ببساطة المزايدة على وطنية شخص امر غريب…مافي زول ما بحب وطنه”.
وتسالت : ىاحمد طه سأل اردول انت مصري اكتر من المصريين”
“اسه انا بقول ليكم انتو سوريين اكتر من السوريين”
وأكدت : “شفنا حاجة مختلفة في الزيارة دايما بتفوت على الجهات اللي بتستجلب شخصيات من الخارج
انه تمت استضافة الفنان في عدد من القنوات الفضائية وتعامل بكل احترام ومحبة” .
لافتة “اما البحاولوا يقللوا من قيمة الفنان. …فبقول ليكم انتو ما سمعتو جزء مهم من الأغنية العربية ..صفحته بتتخطى 8 ملايين متابع فكونك ماسمعت بيهو ده مابقلل من انتشاره”.
وقطعت :”وبس يعني”.
