“عشة الجبل” تهاجم المغتربين وتتحدث عن علاقتها بالجيش والدعم السريع و”قحت”
متابعات : البلاد
ظهرت الفنانة عائشة الجبل عبر منصة فيس بوك في تسجيل مباشر “لايف” من ولاية البحر الأحمر تبرر لجمهورها موقفها نن الشائعات الإعلامية، وقالت عائشة في البث المباشر: “ماتصدقوا الإشاعات انا فنانة الجيش وبت الوطن انا مع الشعب السوداني الجميل.
وتابعت عائشة بقولها هنالك حساد وحاقدين يحاولوا تدميرها ودفنها فنيا، لتؤكد :”انا قاعده على قلوبكم الله يحرقكم ياعفن مرة تقولو كوزه ومرة قحاتية ومره دعامية اها ما الباقي الا تقولوا يهودية”.
ووجهت “الجبلية” كما يطلق عليها جمهورها رسالة حادة إلى الصفحات والكتاب وعلقت قائلة : “انا حارقاكم وكاتمة نفسكم لكن انا بت الجبل والله القاكم ادوسكم بجزمتي”.
وهاجمت “الجبلية” المغتربين بقولها : “ضاربين المكيفات وشايلين الايفونات تصحوا عشة الجبل تنوموا عشة الجبل تقول انتو لو رجال صحي هربتو من السودان لشنو؟، وأضافت الجبلية : “الرجال الصح قاعدين في بيوتهم وحارسين بلدهم وبدافعو عنها”.
ولفتت “الجبلية” : “ايوا صح انا غنيت للدعم السريع بس لما كان محترف به ولما كان في القصر الجمهوري لكن بعد أعلن الحرب انا أول عدو للدعامه وبدعي عليهم ليل نهار ربنا ينتقم منهم”
وأكدت عشة الجبل بأن الدعامة سرقوا منزلها وسرقوا دهبها وملابسها ولم يتركوا لها شئ في المنزل حتي اسطوانة الغاز وكبابي الشاي والشربات سرقوهم.
وقطعت “الجبلية” بقولها : “انا عملت خير كتير بس الناس عيونهم بقت كعبة مابتشوف الا الكعب عشة الجبل والله تعبت معكم عايزة ارضيكم بس انتوا شايلني في خشمكم بالشين والكعب انا والله زولة عاديه وطيوبه وكيوت بس انتو حاولو افهموني، لتضيف : انا غنيت للجيش والوطن انا بت الجبل عارفين يعني شنو الجبل؟ الجبل الطيبة والناس الصافية وناس الجبل مابعرفوا الحقد والحس، لتشكر “الجبلية” جمهورها في نهاية اللايف.
